Sede electrónica

Convocatoria de subvencións a Anpas do concello de oleiros para as actividades do ano 2025

Descripción

Convocatoria de subvencións a asociacións de nais e pais dos centros de ensino público e das escolas artísticas municipais do concello de oleiros para a realización de actividades no ano 2025.

Finalidade

O obxecto desta convocatoria é a promoción e impulso de actividades educativas.

O Concello poderá excluír da concesión calquera actividade que considere que non serve ás finalidades sinaladas, así como as que promovan, faciliten ou permitan a discriminación de calquera tipo (étnica, social, sexual, ideolóxica, lingüística, etc.) ou sexan incompatibles cos valores de igualdade, libre desenvolvemento da personalidade, laicidade e protección ao medio ambiente.

Quen o pode Presentar

Poderán ser beneficiarias das subvencións ao abeiro das presentes bases  as ANPAS dos Centros de Ensino Público de 2º ciclo de Educación Infantil, Primaria e Secundaria de Oleiros e as asociacións de nais e pais das escolas artísticas municipais (EMMO e CEMAE) , que cumpran os seguintes requisitos:

a) Estar legalmente constituídas.

b) Figurar inscritas no Rexistro Municipal de Entidades do Concello de Oleiros antes do 31/12/2024.

c) Ter un número mínimo de trinta e cinco socios.

d) Desenvolver as súas actividades dentro do término municipal de Oleiros.

e) Non estar incursa en ningún dos supostos de incapacidade ou incompatibilidade para a percepción de axudas ou subvencións públicas.

f) Ter domicilio social e fiscal en Oleiros.

g) Estar ao corrente das súas obrigas coa AEAT, coa Seguridade Social e co Concello de Oleiros.

h) Non ter pendente a xustificación dalgunha subvención anterior ou, no seu caso, ter reintegrado o importe non xustificado.

i) O persoal ao que corresponda a realización de actividades cumprirá o requisito previsto no artigo 57 da Lei Orgánica 8/2021, do 4 de xuño, de protección integral á infancia e a adolescencia fronte á violencia.

 

A ausencia dos requisitos sinalados nos parágrafos g) e h) será subsanable antes da concesión, previo requirimento ao efecto.

Prazos de Presentación

15/08/2025 00:00:00 - 15/09/2025 23:59:00

Órgano Xestor

Concellería de Ensino e Unidade Xurídica

Prazo de resolución

A resolución deberá adoptarse e notificarse no prazo de seis meses dende que rematara o prazo para a presentación das solicitudes

Efecto do silencio Administrativo

Desestimatorio

Recursos

Contra a Resolución que aprobe a presente convocatoria, que pon fin á vía administrativa, poderase interpor ante o órgano que a dite recurso potestativo de reposición, no prazo DUN MES a contar dende o día seguinte ao da publicación da mesma, de conformidade cos artigos 123 e 124 da Lei 39/2015, de 1 de outubro, LPACAP. Tamén poderá interpoñerse recurso contencioso-administrativo perante os Xulgados do Contencioso-Administrativo da cidade de A Coruña, no prazo de dous meses a contar dende o día seguinte ao da publicación, de conformidade co disposto na Lei 29/98, de 13 de xullo, da Xurisdicción Contencioso-Administrativa.

Normativa básica

• Convocatoria específica

• Ordenanza reguladora das bases de subvencións do Concello de Oleiros

• Lei 38/2003, do 16 de novembro, xeral de subvencións, e o seu regulamento de desenvolvemento.

• Lei 9/2007, do 13 de xuño, de subvencións de Galicia.

• Lei 39/2015, do 1 de outubro, do procedemento administrativo común das administracións públicas.

• Demais normas de dereito administrativo e no seu defecto aplicaranse as normas de dereito privado.

Información Adicional

Presentación

• O prazo para a solicitude será desde o día seguinte á publicación do extracto desta convocatoria no Boletín Oficial da Provincia e ata o 15 de setembro de 2025.

• Todos os formularios (anexos) que se adxunten, deben estar asinados dixitalmente polas persoas responsables.

 

Medios de Contacto

• 981 610 000 – ext. 4911 - 4913

• b.rey@oleiros.org
• b.miron@oleiros.org

Documentación relacionada

Modelo 1 Solicitude de subvención

Modelo 2 Certificación da representación

Modelo 3 Proxecto de actividades

Modelo 4.1 Xustificación da Memoria

Modelo 4.2 Xustificación de ingresos

Modelo 4.3 Xustificación de gastos e publicidade

Resolución convocatoria

Nivel de identificación do solicitante

Alto:

Certificado dixital recoñecido e sinatura electrónica

Documentos a Presentar

As entidades beneficiarias do ano anterior non terán que presentar os documentos (a) e (f) agás modificación nos datos ou solicitude do órgano instructor.

a) Fotocopia do CIF da entidade e DNI do/da representante

b) Modelo 1 - Solicitude de subvención.

c) Modelo 2 - Certificación de representación.

d) Modelo 3 - Proxecto de actividades.

e) Memoria explicativa das actividades do ano anterior a presentación da solicitude.

e) Memoria explicativa das actividades levadas a cabo pola entidade no ano anterior ao da presentación da solicitude de subvención. Neste memoria, ademáis da súa descrición, deberá detallarse o número de persoas que efectivamente participaron en cada unha das actividades realizadas.

f) Certificado bancario do número de conta.

f) Certificado bancario do número de conta onde desexan que se lles ingrese o importe da subvención.

g) Documentación xustificativa da utilización do galego.

g) Documentación xustificativa da utilización do galego na publicidade e nas relacións cos usuarios/as -no seu caso-.