Sede electrónica

Subvencións a clubs deportivos de Oleiros para adquisición de equipamento deportivo

Descripción

Convocatoria de subvencións a clubs deportivos de Oleiros, para a adquisición de equipamento deportivo no ano 2026

Finalidade

O obxecto desta convocatoria é o apoio ás entidades deportivas radicadas no Municipio, coa finalidade de que poidan adquirir e/ou renovar os equipamentos  necesarios para as súas actividades de adestramento e competición. Deste xeito,  o Concello facilitará  que ditas entidades poidan mellorar as súas condicións de traballo a efectos de acadar os mellores resultados deportivos.

Quen o pode Presentar

Poderán ser beneficiarios das subvencións ao abeiro das presentes bases as entidades deportivas sen ánimo de lucro, que cumpran os seguintes requisitos:

1. Estar legalmente constituídas.
2. Figurar inscritas no Rexistro Municipal de Entidades do Concello de Oleiros antes do 31/12/2025.
3. Desenvolver as súas actividades dentro do término municipal de Oleiros.
4. Non estar incursa en ningún dos supostos de incapacidade ou incompatibilidade para a percepción de axudas ou subvencións públicas.
5. Ter domicilio social e fiscal en Oleiros.
6. Estar ao corrente das súas obrigas coa AEAT, coa Seguridade Social e co Concello de Oleiros.
7. Non ter pendente a xustificación dalgunha subvención anterior ou, no seu caso, ter reintegrado o importe non xustificado.

A ausencia dos requisitos sinalados nos parágrafos "f" e "g" será subsanable antes da concesión, previo requirimento ao efecto.

Prazos de Presentación

18/06/2026 00:00:00 - 09/07/2026 23:59:00

Presentación

Telemáticamente: na Sede Electrónica

Órgano Xestor

Concellería de Deportes

Prazo de resolución

A resolución deberá adoptarse e notificarse no prazo de seis meses dende que rematara o prazo para a presentación das solicitudes.

Efecto do silencio Administrativo

Non procedeDesestimatorio

Recursos

A Resolución do procedemento pon fin á vía administrativa, e contra ela, poderase interpor ante o órgano que a dite recurso potestativo de reposición, no prazo DUN MES a contar dende o día seguinte ao da publicación da mesma, de conformidade cos artigos 123 e 124 da Lei 39/2015, de 1 de outubro, LPACAP. Tamén poderá interpoñerse recurso contencioso-administrativo perante os Xulgados do Contencioso-Administrativo da cidade de A Coruña, no prazo de DOUS MESES a contar dende o día seguinte ao da publicación, de conformidade co disposto na Lei 29/98, de 13 de xullo, da Xurisdicción Contencioso-Administrativa.

Normativa básica

• Convocatoria específica
• Ordenanza reguladora das bases de subvencións do Concello de Oleiros
• Lei 38/2003, do 16 de novembro, xeral de subvencións, e o seu regulamento de desenvolvemento.
• Lei 9/2007, do 13 de xuño, de subvencións de Galicia.
• Lei 7/1985, do 2 de abril, reguladora das bases do réxime local.
• Lei 5/1997, do 22 de xullo, de administración local de Galicia

Información Adicional

Prazo para a solicitude

Será de 15 días hábiles desde o día seguinte á publicación do extracto da convocatoria no Boletín Oficial da Provincia.

Documentación relacionada

Convocatoria de subvencions a clubs deportivos

Formulario 1 solicitude

Formulario 2 xustificación

Formulario 3 certificación de gastos

Nivel de identificación do solicitante

Alto:

Certificado dixital recoñecido e sinatura electrónica

Documentos a Presentar

Os documentos dos apartados a) e f) non terán que presentalos as entidades que xa achegaran estes documentos por ter solicitado subvención no ano anterior, sempre que non houbese variación ningunha nos datos, agás que se lle solicite expresamente.

a. Fotocopia do CIF da entidade e DNI do representante.

b. Solicitude no formulario normalizado (MODELO 1)

- Declaración das outras subvencións solicitadas para o mesmo fin. - Declaración e compromisos da Presidencia da entidade - Material para o que se solicita a subvención e importe da subvención solicitada - Memoria descritiva, que necesariamente incluirá os seguintes aspectos: Enumeración e descrición de todo o investimento solicitado, número e descrición das actividades deportivas ás que adicará o investimento, localización do investimento (local de custodia e titularidade do local) e número de persoas usuarias do mesmo, explicación da contribución do investimento solicitado ao mellor desenvolvemento das actividades da entidade, xustificación do uso deste investimento para o deporte base e estimación da vida útil ou tempo de aproveitamento do investimento subvencionado - Declaración relativa ao número de anos de actividade continuada da entidade.

c. Compromiso de manter a adscrición do ben ás fins que motivaron a concesión da subvención, por un prazo mínimo de cinco anos.

d. Certificación expedida pola federación autonómicana que consten os datos de número de licenzas por categorías que tivo o club entre o 01/01/2026 e a data de presentación da solicitude, referidas á modalidade deportiva pola que solicita subvención

e. Documentación xustificativa da utilización do galego na publicidade e nas relacións coas persoas usuarias. Esta documentación aportarase a efectos da valoración regulada no artigo 9 desta convocatoria.

e. Documentación xustificativa da utilización do galego na publicidade e nas relacións coas persoas usuarias. Esta documentación aportarase a efectos da valoración regulada no artigo 9 desta convocatoria. En caso de que non se acredite suficientemente este aspecto, non se terá en conta na valoración.

f. Certificado bancario do número de conta onde desexan que se lles ingrese o importe da subvención.

g. Se é o caso, solicitude de autorización da adquisición do material subvencionado vinculadas á entidade beneficiaria do xeito establecido.