Sede electrónica

Actividades de verán

Descripción

O programa de verán abrangue un conxunto de actividades organizadas polos servizos de Cultura, Deportes, Educación e Xuventude para o tempo de lecer.

• A preinscrición telemática debe realizarse obrigatoriamente na web municipal www.oleiros.org, no catálogo de trámites da sede electrónica (non é necesario estar rexistrado/a). Buscar actividades de verán no buscador.
• Admitirase unha única solicitude por participante (a nome e cos datos do neno ou nena interesado/a) e nela poderán marcarse ata un máximo de 3 actividades, indicando a orde de preferencia. Na sede electrónica a orde de preferncia virá determinada pola orde de Inscrición.

• A efectos de adxudicación das prazas, darase a mesma consideración que ás persoas empadroadas ás menores de idade que ainda non constando como veciñas, se atopen nas seguintes situacións, que deberán ser debidamente acreditadas:

• Os/as menores que vivan en réxime de acollida no Lar A Mercé.
• Os/as menores que se atopen en situación de acollemento familiar en familias empadroadas en Oleiros.
• Os/as menores non empadroados cando un dos proxenitores si o estea.
  

• Todas estas circunstancias deben ser comunicadas mediante correo electrónico enviado a afabrica@oleiros.org durante o período de preinscriciónSe alguén presenta máis dunha solicitude co memo nome a través da sede electrónica darase como válida a última presentada.

  • Quen pretenda acollerse a algunha bonificación (Servizos Sociais, familia numerosa...) deberá acreditar o seu dereito mediante a aportación dos documentos pertinentes no intre do pagamento.
  • Nas listaxes publidadas cada solicitude levará asignado un número específico a efectos de sorteo.

Finalidade

Programa de actividades de verán organizado polo Servizo Municipal de Educación, Departamento de Cultura, Servizo Municipal de Deportes e o Centro de Información Xuvenil.

Prazos de Presentación

07/05/2025 10:00:00 - 23/05/2025 23:59:00

Presentación

CALENDARIO DE INSCRICIÓNS

• Do 7 ao 13 de maio: preinscrición telemática na sede electrónica. So persoas empadroadas e un máximo de 3 actividades.
• Do 15 ao 19 de maio: publicación de listas de preinscricións e presetación de reclamacións a través do enderezo electrónico afabrica@oleiros.org.
• 20 de maio ás 14.00 horas sorteo público no CC A Fábrica
• 21 de maio: Publicación das listas de solicitudes admitidas.
• Do 21 ao 27 de maio: pagamento e e envio de xustificantes (cando sexa necesario).
• Do 03 ao 05 de xuño: Xestión de listas de agarda, pagamento e entrega de documentación
• Do 13 ao 16 de xuño: Publicación de vacantes e inscrición libre para persoas empadroadas e non empadroadas, tendo preferencia de adxudicación as empadroadas.

Efecto do silencio Administrativo

Non procede

Información Adicional

• No caso de que o número de solicitantes dunha actividade sexa inferior ao de prazas convocadas, a adxudicación será directa e definitiva.
• Se houber máis solicitantes que prazas, resolverase mediante un sorteo público que se realizará no auditorio da Fábrica (rúa do Inglés 13, Perillo).
• Cando unha persoa resulte admitida nunha actividade e teña irmáns ou irmás solicitantes de praza na mesma actividade, e coa mesma orde de prioridade, estes últimos incorporaranse á lista de admitidos/as, sempre que o permitan as características propias de cada actividade.
• O sorteo efectuarase en función do número asignado a cada solicitude, determinando como admitidas as persoas que teñan o número que saia no sorteo e os sucesivos, ata encher o número de prazas da actividade.
• As listas de persoas admitidas serán publicadas na páxina web municipal. As solicitudes inicialmente sen praza pasarán a formar parte dunha lista de agarda, para o caso de renuncias ou vacantes posteriores
• No caso de estar admitido/a nunha actividade e non ter interese en formalizar a inscrición deberase notificar á maior brevidade posible por correo electrónico enviado a afabrica@oleiros.org.
• Para adxudicar a praza será necesario realizar o pagamento da actividade, de acordo coas instrucións que se faciliten ás persoas admitidas mediante correo electrónico, no que se indicará o prazo estblecido para o pago.
• Así mesmo haberá que formalizar a inscrición nos formularios que poña a disposición o Concello no momento da admisión.
• As persoas que realicen o pagamento a través do enlace que se lles remite no correo elctrónico, non terán que remitir o xustificante do pagamento. Porén, as persoas que efectúen o pago a través de calquera entidade bancaria deberán necesariamente remitir o comprobante de pagamento a: afabrica@oleiros.org ou entregalo de forma presencial nas instalacións.

En caso de non presentar a documentación requerida en prazo, considerarase desistida da súa solicitude

Documentación relacionada

Folleto

Nivel de identificación do solicitante

Baixo:

Non é necesario demostrar a súa identidade

Documentos a Presentar

Documentación

Certificado de empadroamento (No caso de non autorizar a su consulta)

Certificado de empadroamento. (En caso de non autorizar a sua consulta)