Sede electrónica

Presentación de facturas electrónicas

Descripción

Finalidade

O Concello de Oleiros habilita a través do Punto Xeral de Entrada de Facturas Electrónicas (FACE) o servizo para a recepción, por vía telemática, e posterior rexistro automático de facturas electrónicas emitidas por provedores.
Pode consultar o Directorio Común de Unidades Orgánicas e Oficinas (DIR3) no seguinte enlace:

• Acceso ao Directorio de unidades FACE

Quen o pode Presentar

Todos os provedores do Concello de Oleiros que sexan capaces de xerar e asinar as súas facturas, empregando o formato estándar establecido para a factura electrónica.

Presentación

O envío de facturas electrónicas deberase efectuar a través do Punto Xeral de Entrada de Facturas Electrónicas. Só serán admitidas en formato electrónico facturae nas versións recoñecidas no propio punto xeral de entradas, e cuxas características e as da súa evolución están descritas no portal http://www.facturae.gob.es/Paginas/Index.aspx.

Efecto do silencio Administrativo

Non procede

Normativa básica

Os provedores deberán presentar factura electrónica no Punto Xeral de Entrada de Facturas Electrónicas (FACE), cos requisitos aquí descritos. De acordo co art. 14.2.c da Lei 39/2015, do 1 de outubro, do Procedemento Administrativo Común das Administracións Públicas, as persoas físicas que exerzan unha actividade empresarial ou profesional estarán obrigadas igualmente a presentar factura electrónica, excepto que acrediten, mediante unha declaración responsable, que non teñen acceso e dispoñibilidade dos medios electrónicos necesarios. Polo tanto, á hora de presentar a factura no rexistro administrativo correspondente (art. 16 da lei 39/15), deberán achegar esta declaración responsable.

O formato da factura electrónica admisible por esta Corporación adecuarase á evolución tecnolóxica que regula a Administración Xeral do Estado, e que actualmente está establecido na Orde PRE/2971/2007, do 5 de outubro, sobre a expedición de facturas por medios electrónicos cando o seu destinatario sexa a Administración Xeral do Estado ou os seus organismos públicos vinculados ou dependentes daquela e sobre a presentación ante a Administración Xeral do Estado ou organismos públicos vinculados ou dependentes de facturas expedidas entre particulares.

A autenticidade da orixe e a integridade do contido das facturas electrónicas garantiranse mediante a esixencia de sinatura electrónica avanzada baseada nun certificado recoñecido e xerada mediante un dispositivo seguro de creación de sinatura, de acordo co artigo 3.3 da Lei 59/2003, do 19 de decembro, de sinatura electrónica.

Antes de presentar unha factura electrónica a través deste trámite é conveniente que se asegure que o seu formato é correcto desde o servizo que ofrece o Ministerio de Industria, Turismo e Comercio no seguinte enderezo.

• http://sedeaplicaciones2.minetur.gob.es/FacturaE/

Información Adicional

Dentro do documento de factura electrónica será obrigatorio, para a correcta remisión da factura ao órgano destinatario final, informar do órgano xestor, a unidade tramitadora e a oficina contable destinatarios. As unidades deberán de ir codificadas de acordo ao Directorio Común de Unidades Orgánicas e Oficinas (DIR3) que se poderá consultar na seguinte ligazón:

• Acceso al Directorio de Unidades FACE

Dentro do Detalle da Factura, no campo correspondente á Descripcion-ide, deberase indicar a descrición pormenorizada e completa dos servizos, subministracións ou obras realizadas, así como o período ao que se corresponden, que permitan identificalos correctamente.

A omisión destes datos en canto a Oficina Contable, Órgano Xestor e Unidade Tramitadora, así como en canto ao detalle da factura, facultará a esta Administración para non anotar no rexistro contable de facturas, estas facturas incorrectas, de acordo co artigo 5.4 da Orde HAP/492/2014, do 27 de Marzo, pola que se regulan os requisitos funcionais e técnicos do rexistro contable de facturas das entidades do ámbito de aplicación da Lei 25/2013, do 27 de decembro.

Notas sobre a creación da factura na aplicación Facturae
Se non dispón dun sistema para a xeración da Facturae pode descargar e instalar na súa PC a seguinte aplicación desde a páxina oficial do Ministerio de Industria, Turismo e Comercio na seguinte dirección:

• http://www.facturae.gob.es/formato/Paginas/descarga-aplicaciones.aspx

Actualmente é posible traballar con Mifacturae, a nova aplicación web gratuita coa que poderá elaborar facturas electrónicas e envialas á Administración Pública no formato correcto Facturae. Ten toda a información no seguinte enlace:

• https://mifacturae.face.gob.es/#/publico/inicio

 

Documentos a Presentar

• Tramitación Online